તમારો પણ એક ફોટો રાખજો 

બેસણામાં કોણ મરી ગયું ? બબલદાસ ? 

બહુ ભલા હતા , ક્યારે બેસણું છે ?

એક સફેદ ઝભો , સફેદ લેંગો જુદો રાખજો

બેસણામાં જવા માટે યુનીફોર્મ ...!

જુઓ બધા ના ઉદાસ ચેહરા , ગમગીન

કોક બોલ્યું ... કેમ કરી ને મરી ગયા ?

સવારે ચાહ પીધી ... એક રોટલી ખાધી

વાતો કરી ને પાંચ મીનીટ માં ખલાસ

બસ એક જ ટેપ જે આવે તે સાંભળે

બેસણામાં તો જવું પડે, હાથ જોડો ફોટા ને

બે ફૂલ ચઢાવો , માથું નમાવો

બસ થઇ ગયું બેસણું , ઓળખાણ છે જવું પડે

સમય ૧૨ થી ૨ કોને સમય છે  ? 

જી આવ્યા બેસણામાં ?

"તમારોય " એક ફોટો રાખી મુકજો 

કોને ખબર ક્યારે શું થાય ?

~~~ અમૃતલાલ ભાવસાર ~~~

( ગુજરાત સમાચાર )